Party, party

Ble, ég er svo ekki að nenna að læra undir þetta tölvunarfræðipróf. Það var enginn endir á vinsældum mínum í gær. Fyrst var ég spurður hvort ég vildi ekki vera dyravörður á einhverjum styrktartónleikum í Keflavík (don´t ask, ég hef ekki hugmynd um af hverju í andskotanum ég var beðinn) og svo var hellingur af öðru liði að bögga mann. Goddammit, samt var ekkert að ganga að læra undir þetta helviti, vona bara að mér gangi ágætlega svo þetta geti eitthvað hækkað einkunnina mína seinna. Ég á þokkalega eftir að þurfa á því að halda.

Gildir einu, þessi vika er búin að vera svakalega stressandi og allur fjandinn að gerast. Þessi eðlisfræði var að riðlast duglega á dagskránni minn þannig að ég gat eiginlega ekkert byrjað að læra fyrir prófið fyrr en á miðvikudag. Það endaði nú samt þannig að ég var ekki að gera mikið annað en að fara í fótbolta um kvöldið. Spilaði í einhverja tvo tíma og nennti svo ekki að byrja að læra þegar ég kom heim um 11.

Svo var sama sagan í gær. Það þýðir greinilega ekki rass að vera heima og læra. Endar alltaf í að ég hangi bara á netinu og/eða finn mér einhverja tölvuleiki til að dunda mér í. Ble

Ciao